[課程探究星期四]
今時今日好多小朋友，成日畀大人投訴冇禮貌。有見及此，小學嘅德育課課程會教學生見到人要打招呼。但老老實實，待人接物嘅事，跟書教又點會教得好？
早排，補習兵兵開心share咗單猛料。佢學校有個既活潑可愛，又聽教聽話嘅弟弟，補完習後響學校門口見到另一個家長。於是，佢就用極度天真無邪嘅聲線，大大聲講咗句：｢婆婆bye bye! ｣
果刻，補習兵兵嚇到心都離一離，該名家長塊面亦多咗層黑氣。
其實，識得主動同人say goodbye，果位弟弟已經好有禮貌。但好可惜，教育局認為有啲嘢比起做人更加緊要(例如｢甜」字上面果一劃)，家長又忙住教個仔做麻煩又無聊嘅親子功課(例如一齊寫｢甜｣字上面果一劃)，所以弟弟根本冇方法分得清，咩人要叫姨姨，咩人要叫婆婆。而對於某部份老師嚟講，本書冇講﹑課程唔包﹑考試唔考，佢地又點會教呢？
#求兵兵心理陰影面積 #聽聞親子功課好麻煩
#有冇家長有同感
圖片來源：電影《九品芝麻官》
Search